LAOAG CITY – Inpetteng ti International Criminal Court (ICC) a ni dati a Presidente Rodrigo Duterte ket adda ti direkta a kontrol ken nangipaay ti suporta iti pinansyal iti nalawa a pammapatay iti babaen ti anti-narcotics campaign na.
Iti naisayangkat nga umuna nga aldaw ti confirmation of charges hearing, inkalintegan ni ICC Prosecutor Mame Mandiaye Niang a ponpondoan ken personal a dinakamat ti dati a presidente kadagiti target ti Davao Death Squad wenno DDS.
Segun ken ni Niang, napateg ti kontribusyon ni Duterte tapno ma-neutralize dagiti kriminal iti Pilipinas iti babaen ti panagpatay.
Inpetteng ti prosecutor a malaksid iti regular salary, maipagarop a makaaw-awat pay ti cash per head dagiti direkta a suspek a mangtungtungpal iti pammilin na gapu ta buteng, gunguna wenno bulsek a kinapudno.
Innayon na a maipagarop a pammaneknek ti naan-anay a kinabileg ni Duterte ti panagbaba ti kaso ti pammapatay iti panangsuspenso na ti namindua a daras ti operasyon.
Maibasar iti datos ti gobyerno, umab-abot iti 6,200 ti napatay iti drug war, ngem inpetteng ti human rights groups a possible nga umabot daytoy iti 30,000.
