LAOAG CITY – Maysa a siudad idiay Poland, ti Midzyzdroje, ti nangirakurak a nakagun-od ti baro a world record kalpasan ti naimballigian nga ice swimming relay a nakipasetan ti agarup 200 a tattao manipud kadagiti nagduduma a paset iti nasao a pagilian.
Ti record attempt ket naiyuswat iti bassit a pool a napno ti danom ken yelo. Ti tunggal nakipaset ket kasapulan nga agupor iti danon nga adda ti yelona iti uneg ti sumagmamano a minuto sakbay nga isaruno ti sumaruno a makipaset.
Basar kadagiti opisial, uray saan pay a sigurado ti eksakto a bilang dagiti participants, mamatida nga umdas ti agarup 200 a tattao tapno magun-od ti titulo a “largest ice swimming relay” iti Guinness World Records.
Naammoan a karaman kadagiti nangorganisar ti programa ket ni Katarzyna Jakubowska, maysa a nalatak a record-holder para iti longest full-body ice contact record by a woman nga addaan ti 3 hours, 6 minutes and 45 seconds.
