LAOAG CITY – Inaprubaranen ti Senado ti nailungalong a 2025 national budget nga agbalor ti P6.352 trillion babaen ti 18 a botos, pabor iti daytoy idinto nga awan ti nangkontra ken maysa ti abstention.
Immuna iti daytoy, sinertipikaran kas urget ni Presidente Ferdinand Marcos Jr ti 2025 budget isut gapuna nga inpasan ti Senado iti maikadwa ken maikatlo a pannakaibas na iti uneg laeng ti maysa nga aldaw.
Inlawlawag ni Senate Minority Leader Aquilino Pimentel III ti panag-abstain na gapu ta saanna nga anamongan ti desisyon ti pada na nga agpanpanday linteg.
Naamoan a nanayunan ti budgets para kadagiti Inter-Agency Council against Trafficking, ken ti National Coordination Center Against Online Sexual Abuse and Exploitation of Children and Child Abuse and Exploitation Materials.
Kinissayan met ti Senado iti P39.8 bilyon nga alokasyon para iti Department of Social Welfare and Development nga Ayuda para sa Kapos ang Kita Program (AKAP) ken daytoy ket inraman iti Assistance to Individuals in Crisis Situation (AICS) program.
Ti AICS ket immunan a nagdebatean ti House of Representatives ken Senate gapu ta maipagarop nga inlipit laeng ti house leader tiAKAP iti DSWD nga awan ti ammo dagiti senador. Nanayunan met ti pondo ti Philippine National Police tapno makaipatakder da ti 54 a police station iti nagduduma a local government units
