LAOAG CITY – Manamnama ti pannakaaprubar ti 2026 Annual Budget ti probinsya iti ummuna a lawas ti Disyembre wenno iti kabiitan a panawen.
Segun kenni Vice Gov. Matthew Marcos Manotoc, narugyan iti napalabas a lawas ti budget hearing ken awan met dagiti nagbalin a problema.
Inlawlawag na a ti linaon ti annual budget ket dagiti prayoridad a proyekto ken program kas iti agrikultura, salun-at ken edukasyon.
Inbatad na nga awan ti nagbaliw ngem kinita na no ania dagiti mas makainot ti probinsya.
Naamoan a ti budget para iti 2026 ket nasurok 2.8 bilyon a pisos a dakdakkel no ikumpara iti daytoy a tawen.
