LAOAG CITY – Umabot iti 21 a tattao ti natay, pakairamanan ti uppat nga ubbing iti inyuswat a maikadwa a kadakkelan nga aerial assault ti Russia iti Ukraine.
Kinumpirmaran ni Tymur Tkachenko, ti mangidadaulo iti Kyiv City Military Administration, a karaman kadagiti natay iti iraraot ti Russia ket agtawen ti 12, 14 ken 17.
Malaksid kadagiti natay ket adda pay dagiti pasdek a nadadael a kukua a ti European Union (EU) ken British Council.
Gapu iti daytoy, pinaawagan ti European Union ken United Kingdom dagiti top diplomats ti Russia.
Basar iti Ukraine Air Force, nangipabanto ti Russia ti 629 nga air attack weapons iti Kyiv no sadinno a karaman pay iti nausar iti panagatake ti nasurok a 500 a drones ken 31 a missiles.
Iti met biang ti Russian Defense Ministry, natamaan da ti military-industrial complex enterprises ken military air bases iti Ukraine babaen ti panagusar da kadagiti agkakangato ti klase na nga armas.
