LAOAG CITY – Nagpirma dagiti 22 manipud iti 23 a senador ti resolusyon a manggutgutigot iti gobierno a temporaryo a masuspenso ti implemenasyon ti Public Utility Vehicle Modernization Program (PUVMP), nga ita kett maw-awagan a Public Transport Modernization Program (PTMP).
Amin a senador malaksid kenni Senador Risa Hontiveros ti nagpirma ti proposed Senate Resolution 1096 ken saan met pay nga inlawlawag ti agpanpanday linteg tti rason na no apay a saan a nagpirma iti daytoy.
Iti babaen ti resolusyon, kuna dagiti senador a kasapulan a temporaryo a masuspenso daytoy gapo met laeng kadagiti arungaing dagiti apektado a drivers, grupo, unions, ken transport cooperatives ken masapol nga ikonsiderar.
Inbatad pay dagitoy a masapol a solbaren ti Department of Transportation dagiti agtultuloy a deficiencies iti Public Transport Modernization Program.
Nailanad pay a mayat ti intensyon ti programa ngem no itultuloy daytoy a saan a masolbar dagiti arungaing ket maikontra met iti constitutional directive iti panangitandudo ti social justice iti amin a paset ti national development
Home National News 22 a senador, nagpirma ti resolusyon a temporary suspension iti Public Utility...
