LAOAG CITY – Umabot iti 22 a tattao ti natay kalpasan ti iraraot dagiti armado a lallaki iti maysa a simbaan iti Western Niger.
Basar iti report, kaadoan kadagiti natay ket nagatendar iti baptism ceremony a naiwayat iti Tillabéri region, nga asideg ti borders ti Mali ken Burkina Faso.
Naamoan a kabayatan ti seremonya ket bigla lattan a dimteng dagiti armado a lallaki kalpasan na ket nagpalto-paltog dagitoy iti lugar.
Ti military government ti Niger ket marigatan a mangparmek ti jihadist violence iti rehiyon nga ipatpatungpal dagiti grupo a konektado iti al-Qaeda ken Islamic State.
Maipalagip a ti Niger ket adda iti babaen ti kontrol ti military sipud idi 2023 kalpasan a pinadisi ni Gen Abdourahmane Tchiani ti naelektaran a Presidente a ni Mohamed Bazoum.
