LAOAG CITY – Umabot iti 23 a tattao ti natay iti napasamak a layos iti ciudad ti Nairobi idiay Kenya.
Inbatad dagiti otoridad nga adda met ti 30 a sabsabali dagiti naisalakan da, ngem ado dagiti nalmes kalpasan a dagitoy ket naiyanud idinto a dagiti dadduma ket nakuryente.
Naiwaras met dagiti soldado tapno mapanda isalakan dagiti napupuk iti uneg ti lugan da kalpasan a naabutan dagitoy ti layos kabayatan ti panagbiyahe da.
Gapu iti napasamak ket sumagmamano a flights nga agturong iti Nairobi Airport ti nakanselar idinto a dagiti dadduma ket nai-divert iti coastal city ti Mombasa.
Napasamak ti layos kalpasan ti nagpatpatnag a panagtudtudo na ti napigsa iti ciudad ti Nairobi.
