LAOAG CITY – Amendaran ti Philippine Health Insurance Corporation (PhilHealth) ti 24-hours confinement policy na wenno ti required minimum hours ti hospitalization wenno confinement ti emergency outpatients apaman a madanun ti Disyembre 2024.
Segun kenni Eli Dino Santos, PhilHealth Executive Vice President ken Chief Operating Officer, agar-aramid ti ahensya kadagiti pagannurutan mainaig iti coverage ti minimum number of hours ti hospitalization wenno confinement.
Inbatad ni Santos nga iti agdama ket saan a sakop ti Philhealth ti confinements a nababbaba ngem 24 nga oras, malaksid iti emergency cases wenno no adda ti indikasyon a sakop daytoy gapu iti cross-containment ken fraud prevention measures.
Kabayatanna, inpetteng ni Senador Christopher “Bong” Go, chairman ti Senate committee on health and demography a ti 24-hours confinement policy ket “anti-poor” ken “anti-people.”
Gapu iti daytoy, kiniddaw ni Go ken ni Santos a lawlawagan da a naimbag ti timeline iti panangamendar kadagiti pagannurutan ti ahensya.
