LAOAG CITY – Nairekord ti 24 a baro a kaso ti COVID-19 rason nga umaboten ti 2525 ti kaso ditoy probinsya.
Iti datus ti gobyerno probinsyal, 15 ti baro a kaso ditoy siudad ti Laoag, innem iti ili ti Bacarra, dua iti ili ti Vintar ken maysa iti ili ti San Nicolas.
Gapu iti daytoy, umaboten ti 413 ti active cases ditoy probinsya.
Kabayatanna, umabot iti 41 ti bilang dagiti nalaingan manipud iti sakit rason nga agdagupen ti 2083 ti recoveries.
Nagtalinaed a 29 ti bilang dagiti pimmusay gapu ti COVID-19.
