LAOAG CITY – Nangiwayat ti anti-government protest dagiti estudiante kadagiti sumagmamano nga unibersidad idiay Iran, ti kaunaan a kadakkelan a tignay protesta sipod idi napalabas a bulan idi inpatungpal ti gobierno ti naranggas a crackdown kadagiti umili.
Basar iti report, ginasgasut dagiti estudiante iti Sharif University of Technology ti nagmartsa kagiddan iti panangrugi ti baro a semestre.
Naipadamag ti kapada a tignay protesta iti siudad ti Mashhad no sadinno a dagiti nangiwayat ti tignay protesta ket kas panangsaludar iti rinibribu a natay kadagiti napalabas a nationwide protests a linappedan ti gobierno.
Adu kadagitoy ti nagpanawagan kadagiti sumagmamano nga estudiante a mangiwayat ti tignay protesta ita nga aldaw ti Domingo.
Kagiddan daytoy, immunan a nangipasimudaag ti Estados Unidos kalpasan a nakita ti presensia ti militar daytoy nga asideg iti kabaybayan ti Iran ken kuna ni United States President Donald Trump a nakasagana daytoy a mangibilin ti military strike.
Maipalagip a nabayagen a pagat-atapan ti Estados Unidos ken dagiti European allies a posible nga aggandat nga agaramid ti nuclear weapon ti Iran a naiget a naglikudan ti gobierno ti Iran.
