LAOAG CITY – Inpakaammo ni Bombo International Correspondent Demetrio Rafanan iti Rome, Italy nga addan ti 25 a doktor dagiti pimmusay kalpasan a nagpositibo da iti coronavirus disease pandemic wenno COVID-19.
Kuna na a kagudua iti nasao a bilang ket agserserbi a family doctor.
Ti nasao a bilang ket naimaldit manipud nangrugi ti panagwaras ti virus iti nasao a pagilian.
Maipalagip a simmangpet idiay Italya dagiti doktor manipud iti Russia, Cuba ken China tapno tumulong kadagiti Italian doctor a mangtaming kadagiti rinibo a pasyente ti COVID-19.
