LAOAG CITY – Sinita ken inpaserra ti Bureau of Internal Revenue (BIR) dagiti dispensing pump ti 25 manipod iti 65 a paggasolinaan iti Luzon kalpasan a bimmagsak iti naisayangkat a fuel marking testing iti umuna a tallo nga aldaw ti nalawa nga operasyon ti ahensya.
Segun ken ni BIR Commissioner Charlito Martin Mendoza, gagem ti addang a maestablisar dagiti leakages iti panagkolektar ti buwis ken maprotehiran dagiti napudno a negosyo kontra iti saan a patas a kompetisyon iti sektor ti petrolyo.
Nangrugi ti nasao nga operasyon idi Agosto 17, 2026, iti pannakitinnulong ti Bureau of Customs (BOC) ken ti otorisado a service provider a mangisaysayangkat ti panangtingiting kadagiti sample ti gasolina, krudo, ken gas.
Naipadalan iti imbentaryo ken selyo dagiti apektado a produkto kabayatan a maiyur-uray ti pinal a resulta ti confirmatory testing kas maiyataday kadagiti maipatpatungpal a pagannurutan.
