LAOAG CITY – Naipadalan iti quarantine dagiti 25 a Pilipino a seaman kalpasan a nagpositibo da iti coronavirus disease 2019 wenno COVID-19.
Iti report ni Bombo International News Correspondent Demetrio Rafanan iti Rome, Italy, naduktalan a nagpositibo iti COVID-19 dagiti seaman kalpasan a naipadalan da iti blood testing.
Kuna na a naiquarantine dagiti maseknan iti Demidoff Country Resort-Firenze iti siudad ti Florence Italy.
Nagsanglad ti nagluganan da a cruise ship a Costa Luminosa idiay Savona, Italy ken naggapu da iti Marsiglia, France.
Innayon ni Rafanan nga umabot ti 248 dagiti agpapaay a crew iti cruiseship a napagawid idi Marso 27 a naglugan da iti chartered plane nga inorganisar ti Costa Luminosa Cruise, Magsaysay Agency, Capitaneria-Italian government, POLO Milan- Philippine government.
Itay bigat ket umabot ti 101,739 ti kaso ti COVID-19 ken 11,591 dagiti natay idiay Italya.
