LAOAG CITY – Nagsublin dagiti naruay nga estudiante iti panaglukat ti klase kadagiti pampubliko a pagadalan ditoy pagilian ita nga aldaw ti Lunes, Hunio 16.
Inbatad ni Education Secretary Sonny Angara, sinaganaan a naimbag ti departamento iti panagsubli dagiti agad-adal ita nga School Year 2025-2026.
Kabayatanna, segun ken ni Dennis Legaspi, Media Relations chief ti Office of the Secretary ti Department of Education, ti projected enrollment ti Department of Education ita nga school year ket dumanon iti 27 a milyon.
Iti panaglukat ti klase, binisita ni Angara kaduana ni Presidente Ferdinand Marcos Jr. ti Epifanio delos Santos Elementary School iti Singalong St. idiay Manila ita nga aldaw tapno personal a makita ti situasion ti panaglukat ti klase.
Immunan nga inaramid a cost-effective ti Department of Education ti panagpa-enroll iti basic education school.
Nadakamat a pinasimple laeng ti Department of Education dagiti rekisitos a kasapulan dagiti agad-adal iti panage-enroll a mangipalubos kadagiti nagannak a maminsan laengen ti panangisubmitir ti birth certificate kadagiti annakda iti intero a K-12 education kas maiyallubog iti pammilin ni Presidente Marcos.
