LAOAG CITY – Umabot iti 28 a tattao ti natay kalpasan a nagbaliktad ti bus a nagluganan ti Pakistani pilgrims idiay Iran.
Ti insidente ket napasamak iti central Iranian province of Yazd.
Basar iti imbestigasyon dagiti otoridad, ti makaigapu iti napasamak nga insidente ket gapu iti defective braking system.
Malaksid kadagiti natay ket adda pay ti 23 a sabsabali a nasugatan iti insidente ken pito kadagitoy ket kritikal ti kondisyon da.
Naamoan a dagiti pilgrims ket naggapo da iti Sindh province iti Pakistan ken agturong da iti holy city ti Karbala iti Iraq tapno atendaran ti maysa kadagiti kadakkelan nga aktibidad iti Shia calendar.
