LAOAG CITY – Nagpangta ni US President Donald Trump a dadaelen da ti power plants ken dagiti rangtay ti Iran no mapaay a mangipaay ti sungbat na iti deadline intono bigat, aldaw ti martes para iti panaglukat manen ti Strait of Hormuz iti amin a shipping.
Inulit pay ni Trump a pagbalinen na nga impierno ti Iran, ngem kunana metlaeng iti US media nga adda ti napintas a gundaway iti katulagan a mabalin da a gun-oden iti Tehran.
Ti baro a pangta ni Trump ket kalpasan nga inwaragawag na a ti maikadwa a crew member ti nagswek a US fighter jet iti Iran ket balligi da a naisalakan iti insayangkat da nga operasyon iti uneg ti hostile territory.
Kabayatanna, tinagibassit ti Iran ti ibilang da nga helpless, makapadanag ken maag a pangta ti Estados Unidos.
