LAOAG CITY – Ibilang dagiti otoridad idiay Israel a maysa a klase ti terror attack ti napasamak a panagbettak ti tallo a bus.
Basar kadagiti otoridad ti Israel a pimmalpak ti panabettak ti dua a bus iti Bat Yam iti abagatan a paset ti Tel Aviv.
Inbatad ni Transport Minister Miri Regev a temporario nga insardengda ti operasion dagiti bus, trains ken eroplano tapno kitaen no adda dagiti naimula a bomba.
Naammoan nga awan ti nairekord a pimmusay wenno nasugatan iti insidente.
Agtultuloy ti maiwaywayat nga imbestigasion dagiti otoridad seknan iti nasao a pasamak.
