LAOAG CITY – Nakairekord ti Philippine Institute of Volcanology and Seismology (Phivolcs) ti tallo a volcanic earthquake ita nga aldaw ti Domingo iti Mt. Kanlaon.
Idinto a nairekord met idi Sabado ti panagbuga daytoy ti asupre a dimmanon iti 5,188 a tonelada.
Kalkaluban ti napuskol nga ulep ti bulkan isu a narigat a mamonitor dagiti plumes daytoy.
Nagtalinaed met ti alert level 2 iti bulkan, kayatna a saoen mabalin a mapasamak ti kellaat a panagputok ti steam wenno phreatic eruption.
Maipawil latta ti aniaman a klase ti pagpatayab ti aircraft iti asideg ti tuktok ti bulkan gapu iti posible a peggad daytoy.
