LAOAG CITY – Inpakaammu ti United States Healthcare Facilities nga agarup tallo a porsiento kadagiti nataengan idiay Estados Unidos ti addaan iti psoriasis.
Nupay saan nga ammo ti eksakto a pakaigapuan ti psoriasis, ibilang dagiti doktor daytoy kas immune-mediated inflammatory disease.
Mangpataud daytoy kadagiti sintomas ti kudil, kas iti panagpangato ti plaques ken panagbaliw ti maris ti kudil a mabali a makaapektar iti dadduma pay a parte ti bagi kas iti mata.
Ti panagbaliw ti selula ti kudil ket umabot iti las-ud ti makabulan.
Malaksid iti daytoy, mabalin pay a mangitunda ti psoriasis ti dadduma a nakaru a sakit kas iti sakit ti puso, kanser, inflammatory bowel disease, ken psoriatic arthritis.
