LAOAG CITY – Inbatad ni Iranian President Masoud Pezeshkian nga ituloy ti Iran ti negosasyon da iti Estados Unidos kalpasan kadagiti kiddaw a “friendly governments” iti rehiyon tapno masungbatan ti lungalong ti Amerika a panagsasarita.
Iti post, inrakurak ni Pezeshkian nga addan ti panangibilin na ken ni Iranian Minister of Foreign Affairs Abbas Araghchi nga ipursige ti negosasyon it umiso a lugar nga awan dagiti aniaman a pangta ken “unreasonable expectations”.
Inwaragawag daytoy ti Iranian president kalpasan a nagpangta ni Iranian supreme leader Ayatollah Ali Khamenei a ti aniaman a panagatake iti Iran ket mangrubrub ti regional conflict.
Daytoy ket kalpasan a nagpangta ni US President Donald Trump a makibiang ti Estados Unidos iti Iran gapu kadagiti ambisyon na iti nuclear ken deadly crackdown kadagiti protesters, babaen ti panagiwaras na ti ado a pwersa da iti rehiyon.
