LAOAG CITY – Umabot iti 30 a tattao ti natay iti napasamak a layos ken landslide iti Gamo Zone ti southern Ethiopia.
Napasamak daytoy kalpasan ti sumagmamano nga aldaw a pinagtudo na ti napigsa iti nadakamat a lugar.
Basar kadagiti otoridad, kaadoan kadagiti natay ket agnanaed iti highland areas.
Gapu iti daytoy, nagpanawagan dagiti otoridad kadagiti residente iti vulnerable areas a masapol nga agridam.
Nagballaag met dagiti forecasters a manamnama dagiti napigpigsa a tudo a mapasaran iti rehiyon gapu iti climate change.
