LAOAG CITY – Umabot iti 32 a tattao ti natay iti napasamak a suicide attack nga inpatungpal ti al-Shabab militants iti nalatak a beachfront location iti ciudad ti Somalia a kabisera ti Mogadishu.
Segun ken ni police spokesman Abdifatah Adan Hassan, malaksid kadagiti natay ket adda pay ti agarop 63 a sabsabali a nasugatan iti insidente.
Kontrolado ti Al-Shabab ti kadakkelan a paset iti southern ken central Somalia.
Ti nasao grupo ket adda ti pakainaigan na iti al-Qaeda a mangisaksaknap ti brutal insurgency iti agarop 20 a tawenen kontra iti United Nation-backed government idiay Somalia.
Iti a statement, kinumpirmaran ti al-Shabab a karaman kadagiti pimmusay ket pulitiko, security forces ken empleado ti nagduduma a ministries ken offices.
