LAOAG CITY – Agtultuloy nga agar-aramid ti pakasaritaan ti Philippine Ports Authority (PPA) kalpasan a nakagun-od ti record-breaking a P30.09 bilyon a biruk para iti Fiscal Year 2025 basar iti unaudited financial report-da, nangatngato ti 8.86% maidasig idi 2024.
Gapu iti daytoy, inaprobaran ti Philippine Ports Authority Board of Directors ti kadakkelan a dividend remittance iti pakasaritaan ti ahensia nga umabot iti P5.33 bilyon wenno 52% ti net earnings, maiyataday iti Dividends Law a mangmanmandar kadagiti government-owned ken controlled corporations nga ag-remit ti saan a bumaba iti 50% ti birukda iti national government.
Basar iti Philippine Ports Authority, ti record revenue ket resulta ti agtultuloy a panagdur-as ti vessel traffic ken cargo throughput, nangatngato nga storage revenues, natibtibker a regulatory income gapu iti tariff adjustments ken foreign exchange gains.
