LAOAG CITY – Agtultuloy ti panangpadur-as kadagiti pantalan tapno masuportaran ti umad-adu a bilang dagiti cruise passenger basar iti Philippine Ports Authority (PPA).
Basar iti Philippine Ports Authority, ngimmato ti cruise tourism iti pagilian kagiddan ti panagadu ti turnaround course calls ita nga umuna a paset ti 2026.
Nakairekord ti Philippine Ports Authority ti 26 cruise calls ken sumurok 76,000 a pasahero manipud Enero agingga Pebrero idinto a ngimmato iti innem ti turnaround calls iti Eva Macapagal Cruise Terminal idiay Manila manipud iti dua iti napalabas a tawen.
Inbatad ni cruise General Manager Jay Daniel Santiago, agtultuloy ti panagngato ti cruise arrival nga umabot iti sumurok 226,000 idi 2025, naartapanna iti pre-pandemic level, kagiddan ti modernisasion ken panangpalawa kadagiti pantalan kadagiti nagduduma a paset ti pagilian.
