LAOAG CITY – Natay ti agarup 33 nga indibidual ken 18 ti nasugatan kalpasan a binomba ti Russia ti 2 a civilian bus iti Kramatorsk, Donetsk.
Inakusaran ni Vadym Filashkin ti Russia gapu ti panangirantada a mangiwayat ti panagatake kadagiti pampasaheros a bus ken dagiti civilians.
Ti nasao a panagatake ket kageddan ti nalawa nga airstrikes ti Russia iti Ukraine ken rason ti pannakadadael dagiti sumagmamano a pasdek ken pannakatay dagiti sumagmamano nga indibidual.
Gapu iti daytoy, nasuspenso dagiti pampubliko a transportasion ken naballaagan dagiti indibidual nga agibakwit iti nataltalged a lugar.
