LAOAG CITY – Inbatad ni Barangay Chairman Noel Quemado iti Barangay Nalasin iti ili ti Paoay nga umabot iti 35 dagiti dimmalan iti Extended Targeted Swab Testing idi kalman.
Segun kenni Quemado, karaman isuna kadagiti dimmalan iti swab test ken naiyuswat daytoy iti sangwanan ti Nalasin Elementary School.
Inlawlawag na a gapo ta nagtudtudo idi kalman ket nabasbasa da gapo ta ti tulda laeng ti barangay ti nagbalin a linong da.
Gapo iti daytoy, kweskwestyunaran ni Quemado ti nagbalin a desisyon ti principal ti nasao a pagadalan a saan a nangipalubos a mausar ti covered court da para iti daytoy.
Inpetteng na nga agtalinaed da met laeng iti covered court ken saan da a sumrek kadagiti kwarto.
Innayon na a ti inbatad ti nasao a pagadalan ket masapol ti pammalubos ti division office.
Nupay kasta, kuna ni Quemado a madi ti rikna na gapo ta iti naglabas nga aldaw ket naipalubos met iti asosasyon dagiti mannalon nga agtataripnong iti nasao a pagadalan.
Kalikagom ita ni Quemado a makapagsarota kuma ti biang ti DepEd iken iti opisyales ti barangay gapo tapno malawlawagan daytoy.
