Naikeddeng ti 36 nga aldaw a panagensayo dagiti 25 a Persons Deprived of Liberty a pakairamanan dagiti 22 a lallaki ken 3 a babbai para iti Barbering NCII.
Daytoy ti inpakaammo ni Jail Senior Inspector Sheila Marie Sapaden, ti jail Warden ti Bureau of Jail Management and Penology ditoy siudad ti Laoag.
Segun kenkuana, ti nasao a training course ket inisponsoran ti Technical Education and Skills Development Program Authority (TESDA) ken ti premier International Training and Assesment Center Incorporated.
Kunana a ti programa ket nakapatpateg kas maysa a wagas a panangsuporta kadagiti balud.
Innayon ni Sapaden nga adda ti programa da nga after care, no sadinno a ditoy a matulongan dagiti balud a makabirok ti pagsapulan apaman a makaruwar da iti pagbaludan.
