LAOAG CITY -Inrakurak ni Office of the Vice President spokesperson Atty. Salvador Paolo Panelo Jr., a napaay ti prosekusion a nangitudo ken ni Vice President Sara Duterte tapno paneknekan nga adda nagbasolan daytoy.
Daytoy ket kalpasan a binabalaw ni Panelo dagiti naudi a rakurak ti prosecution panel.
Segun kenkuana, kagudwa ti lubong ti agkalikagom ti kinapudno ken ti maysa ket desperado a mangparpartuat kadagiti palso nga impormasion ken malicious nga spekulasion.
Kinontra met ti dua a miembro ti prosecution panel ti rakurak ni Panelo ken kunada a saan da nga ikonkonsiderar a napaay da iti baet ti panangawat ti korte ti indasar da nga ebidensia.
