LAOAG CITY – Inpakammo ni Dr. Elizer Asucion, chief of Hospital ti Laoag City General Hospital (LCGH) a temporaryo a nakarikep ti OPD, Emergency room, Laboratory ken Dialysis.
Daytoy ket kalpasan a naipatungpal ti lockdown iti nadakamat nga ospital gapo iti panagpositibo iti covid-19 ti maysa a doktor.
Segun kenni Asuncion, apaman nga inparuk-at ni Mayor Michael Marcos Keon ti executive order a mangi-lockdown iti ospital ket in-lock in da dagiti agrop 36 nga empleado a nabati iti uneg para kadagiti pasyente.
Inpasigurado na met nga isuda a saan a nalock-in iti ospital ket annungen da latta ti trabaho da.
Mangnamnama met a negatibo ti amin a resulta dagiti dimmalan a swab test.
Maipalagip nga indeklara ni Mayor Keon ti pannnakilockdown ti ospital tapno malapdan ti panawaras ti virus.
