LAOAG CITY – Dinosdosena a tattao ti natay iti napasamak a layos idiay ciudad ti Luanda a kabisera ti Angola, ken dadduma pay a lugar iti nadakamat a pagilian.
Napasamak ti layos kalpasan ti sumagmamano nga aldaw a pinagtudtudo na ti napigsa iti pagilian.
Basar iti report, addan ti 39 nga indibidual ti kumpirmado a natay iti ciudad ti Luanda ken iti Central City ti Benguela.
Umab-abot iti nasurok a 51 ribo a tattao ti naapektaran iti kalamidad ken naruay a pagtaengan ken imprastraktura, karaman dagiti rangtay ken kalsada dagiti nadadael.
Indanun a dagus ti Presidente ti Angola ti pannakipagladingit na iti pamilya dagiti pimmusay a residente.
