LAOAG CITY – Mangnamnama ni Barangay Chairman Cathleen Ubay iti Barangay Bengcag ditoy ciudad ti Laoag a negatibo ti resulta ti swab test dagiti 37 a residente.
Segun kenni Ubay, immabot iti 37 nga indibidwal ti na-contact trace gapo ta maysa iti kada lima a mimebro ti pamilya ken dua iti kada 10 a miembro ti pamilya ket dumalan iti swab test.
Inbatad na a dagiti 37 nga indibidwal ket manipud kadagiti 33 a pagtaengan ti karaman iti lockdown iti nasao a lugar.
Kunana nga idi kalman ket dimmalan met iti swab test dagiti uppat a miembro ti pamilya ti nagpositibo iti covid-19 ken ti mismo nga asawa ti pasyente ket negatibo met iti vius.
Saan met pay a makumpirmaran ti kapitan no kasano ti kapaot ti lockdown iti Sitio ngem agdepende daytoy iti resulta ti swab test dagiti lumugar.
Mainaig iti daytoy, inlawlawag ni Ubay nga adda ti maysa a tanod manipud iti na-lockdown a sitio ti timmulong nga agronda kalpasan nga inpalubos ti DILG gapo ta saan na met a nakapulpulapol ti nagpositibo.
Nupay kasta, kuna ni Ubay a gapo ta adda ti mangkweskwestyunar iti panagronda ti tanod ket inbilin na nga agtalined lattan iti pagtaengan da iti laskid a pinalubosan ti DILG tapno awan ti reklamo ken ado met pay dagiti sabali a tanod ken kagawad.
Kabayatanna, inpasigurado ti kapitan a maited amin ti kasapulan dagiti residente a naapektaran iti lockdown.
