LAOAG CITY – Nairekord ti 38 a baro a kaso ti covid-19 ditoy probinsya no sadinno a 16 kadagitoy ket manipod iti ili ti San Nicolas.
Basar iti impormasyon nga inparuk-at ti gobierno probinsyal, 16 kadagiti baro a kaso ti covid-19 ket manipod iti ili ti San Nicolas ken 10 met ti aggapo ditoy ciudad ti Laoag.
Uppat met a kaso ti nainayun iti ili ti Bacarra ken iti ciudad ti Batac, idinto a sagdudua iti ili ti Paoay ken Pasuquin.
Kabayatanna, adda met ti nairekord a ti pito a nagimbag manipod iti covid-19 ditoy probinsya.
Iti datos, addan ti pakabuklan a 1,563 a nairekord a kaso ditoy probinsya sipud nangrugi ti pandemya no sadinno a 346 ti active cases; 1,206 dagiti nakarekobren, ken 11 dagiti pimmusay.
