LAOAG CITY – Nakairekord ti Ilocos Norte ti 39 a baro a kaso ti covid-19 ken 16 kadagitoy ket residente iti ili ti Bacarra.
Iti datus ti gobyerno probinsyal, nanayunan ti saggiinnem a kaso ditoy ciudad ti Laoag ken iti ili ti Dingras, uppat iti ili ti Badoc, sagdudua iti ili ti San Nicolas ken Pagudpud idinto a saggaysa iti ili ti Nueva Era, Vintar ken Currimao.
Gapu iti daytoy, umaboten iti 1872 ti kaso ti COVID-19 ditoy probinsya nga addaan iti 535 nga active cases.
Nairekord met ti 33 a baro a nakarekobre manipod iti nasao a sakit no sadinno nga addan ti 1323 a pakabuklan ti recoveries idinto a 14 dagiti pimmusay.
