LAOAG CITY – Awan ti Christmas Bonus a maawat dagiti tallo gasut ket siyam a pulo ket lima a naka-Contract of Service nga empleado ti Provincial Government of Ilocos Norte.
Daytoy ti inpakaammo ni Provincial Human Resource Management Officer Fe Siazon.
Segun kenkuana, basar iti kaudian a datos idi Oktubre 31 iti agdama a tawen ket adda dagiti tallo gasut ket siyam a pulo ket lima a Contract of Service nga empleado ti gobierno probinsial a saan a makaawat ti Christmas bonus gapu ta saan dagitoy a karaman iti budget.
Inbatad ni Siazon, dagitoy a COS nga empleado ket nakakontrata iti nagduduma kas ti tallo wenno innem a bulan laeng.
Inlawlawag na a saan a dagus a ma-regular dagitoy gapu ta kasapulanda pay a ma-evaluate ken dumalan iti Assessment ken kalpasan iti daytoy ket nakadependento pay laeng kadagiti Department Heads no irekomendar da dagitoy nga empleado iti Gobernador.
Naammoan nga awan pay maawat dagiti naka-contractual nga empleado ti PGIN a 13th month pay.
