Natay ti uppat a miembro ti Canadian military ken dinosdosena a sabsabali dagiti nasugatan iti pannakauram ti training area iti kampo da iti probinsya ti Alberta.
Daytoy ti kinumpirmaran ni Major General Wade Rutland, commander ti 1st Canadian Division of the Canadian Armed Forces.
Binigbig na dagiti pimmusay nga isuda Sgt. Morgan Wong, Private Shaun Farrell, Private Aidan Goulding and Private Hayden Lykkemark.
Innayon na a dagiti 39 a nasugatan ket agtultuloy ti pannakataming da iti ospital no sadinno a 19 kadagitoy ket kritikal ti kondisyon da.
Inpetteng na nga alisto ti pasamak gapu ta iti uneg laeng ti 30 agingga iti 60 a segundo ket umaboten iti maysa a kilometro ti naramram ti apoy.
Mainaig iti daytoy, indiskribir ni Canadian Prime Minister Mark Carney ti napasamak kas maysa kadagiti kagrabean a trahedya iti pagilian da.
Atapen ti Prime Minister nga adda ti posibilidad na a ti napasamak ket inpatungpal dagiti terorista.
