LAOAG CITY – Agtultuloy a mabirbiruk dagiti uppat a Pilipino a mapukpukaw kalpasan ti idaydayyeg ti magnitude 7.7 a gingined idi biernes, Marso 28.
Daytoy ti inbatad ni Department of Foreign Affairs (DFA Undersecretary Eduardo de Vega.
Segun kenkuana, dua kadagiti mapukpukaw ket agasawa nga agnanaed iti narpuug a building gapu iti napigsa a gingined.
Kinumpirmaran pay ti ahensya nga amin dagiti mapukpukaw a Pilipino ket agpapada a propesyonal, karaman dagiti mangisursuro ken empleado iti opisina.
Awan met ti nairekord a Pilipino a nadangran idiay Thailand, no sadinno a narikna pay ti napigsa a gingined.
