LAOAG CITY – Temporaryo nga ipatungpal ti gobierno ti four-day work week iti sumagmamano nga opisina ti ehekutibo mangrugi intono lunes, Marso 9, 2026.
Nupay kasta, inlawlawag ni Presidente Ferdinand Marcos Jr. a saan a karaman ditoy dagiti opisina a mangipapaay ti emergency ken frontline services kas ti nailian a pulisya ken bumbero.
Malaksid iti daytoy, binilin pay ti presidente iti amin nga ahensya ti gobyerno nga aginot iti panagkonsumo ti kuryente ken petrolyo, ken ipawil paylaeng dagiti saan unay a napateg a biyage ken aktibidad ti gobierno.
Inpetteng ti presidente nga agkiddaw iti kongreso ti otoridad tapno temporaryo a makissayan ti excise tax dagiti produkto a petrolyo.
Daytoy ket no umabot iti 80 US dollars ti kada bariles ti presyo ti langis iti world market.
Gagem ti nasao nga addang a malapdan ti nakaro a panagngato ti presyo ti gasolina ken diesel iti pagilian.
Mainaig iti daytoy, nangiparuk-aten ti memorandum circular ti Palasyo a pinirmaan ni Executive Secretary Ralph Recto mainaig iti four day work week.
