LAOAG CITY – Inrakurak ni National Economic Development Authority (NEDA) Secretary Arsenio Balisacan a dumanon iti 40,000 agingga 140,000 a mangmangged ti maapektaran ti inaprobaran a P35 increase iti daily minimum wage dagiti mangmangged iti National Capital Region (NCR).
Inbatad ni Balisacan a posible a makaapektar pay ti panagngato iti unemployment rate ti pagilian.
Kunana a ti nasao a wage adjustment ket saan met a makaapektar iti ekonomia ti Pilipinas.
Inruar ti National Wages and Productivity Commission ti desision idi Hulio 1 ken agepektibo iti 15 nga aldaw kalpasan ti pannakaipablaakna.
Basar iti Department of Labor and Employment, ti retail ken service establishments nga adda ti nasursurok ngem iti 10 a mangmangged ken enterprises a naapektaran kadagiti didigra wenno human-induced disasters ket mabalin pay nga agaplikar iti Regional Tripartite Wages and Productivity Board para iti exemption manipud iti wage increase.
Kabayatanna, saan met a sakup ti increase ti Barangay Micro Business Enterprises a nailanad iti Republic Act No. 9178.
