LAOAG CITY – Target ti Education Department a maipasdek ti 40,000 classrooms sakbay nga agngudo ti 2028.
Daytoy ti inrakurak ti Department of Education (DepEd) kalpasan a nadismaya iti 22 a classrooms a naaramid laeng iti babaen ti napalabas nga administrasion ti Department of Public Works and Highways.
Daytoy ket gapu ta insentro ti Department of Public Works and Highways dagiti proyekto iti flood control ken nabaybay-an dagiti classroom.
Inpetteng ti Department of Education a gapu iti daytoy, iti tawen 2026, ti pundo para iti classrooms ket ipaaydan iti Local Government Unit (LGUs), Armed Forces of the Philippines (AFP) Corps of Engineers wenno kadagiti pribado a sektor.
Basar iti Department of Education, babaen iti daytoy a wagas, ad-adda a mapaalisto ti pannakaipasdek kadagiti classroom.
