LAOAG CITY – Umabot iti 41 a tattao ti natay a pakairamanan ti babbai ken ubbing kalpasan a pinaltu-paltugan dagiti armado a lallaki dagiti pampasahero a lugan nga addaan ti 200 a pasahero ken agturong koma dagitoy iti remote area idiay Pakistan.
Pinaltu-paltugan dagiti suspek dagiti lugan kaabayatan ti panagdalyasat da iti tribal district ti Kurram idiay Pakistan nga asideg ti Afghan border.
Basar iti report, immuna a pinuntirya dagiti suspek ti convoy dagiti pulis a nangbayabay kadagiti biktima.
Malaksid kadagiti natay ket adda pay ti 16 a sabsabali a nasugatan ken kritikal ti kondisyon da.
Agpapan ita ket awan pay ti grupo a nangadmitir iti napasamak nga insidente.
