LAOAG CITY – Inpasingked dagiti rice industry players inton sumaruno a bulan ket bumaba iti 42 a pisos iti kada kilo ti presio ti bagas, basar ken ni House Speaker Martin Romualdez.
Ti panagbaba ti presio ti bagas ket inpasigurado ni Romualdez kalpasan ti naiyuswat a taripnong kaduana dagiti lider ti Philippine Rice Industry Stakeholders Movement, ti nasao a grupo ket pakairamanan dagiti stakeholders ti bagas mnaipud kadagiti seed growers, farmers, millers, traders, importers ken retailers.
Iti nairuar nga Executive Order No. 62 ni Presidente Ferdinand Marcos Jr. ket nagbalin a 15% a laeng a tariff iti imported rice manipud iti dati a 35%.
Inbatad ni Romualdez a ti panagbaba ti presio ket mariknan inton sumaruno a bulan ken namnamaen pay ti publiko ti panangaramid ti wagas ti gobierno tapno ad-adda nga agbalin nga abot kaya ti presio ti bagas para kadagiti naruay nga umili.
