LAOAG CITY – Inpakaammo ni Mrs. Mary Jane Leaño, Officer In Charge ti City Tourism Office manarimaan ti panangukkonda ti datos mainaig iti bilang ti tourist arrivals ditoy siudad ti Laoag.
Segun kenkuana, adda ti pammilin kenkuana ni Mayor James Bryan Alcid a mangiprisentarda ti logistics kalpasan ti Pamulinawen Festival.
Inbatadna a babaen ti tulong dagiti nagduduma nga stakeholders, hotels ken dagiti arrivals iti eropuerto ket maalanto dagiti datos tapno makita no ania ti epektona iti panangselebrar iti fiesta ditoy siudad.
Mangnamnama ti City Tourism Officer a malpasda a maala ti bilang dagiti tourist arrivals inton sumaruno a bulan ken makita no ania pay dagiti mabalin a padur-asen ditoy siudad tapno ad-adu pay dagiti turista nga agturong ken bumisita iti naawagan a Sunshine City.
