LAOAG CITY – Nakairekord ti Bureau of Fire Protection ti 46 a fire incidents ditoy probinsia iti umuna a kuarter ita a tawen 2025.
Segun ken ni F/Supt. Roxanne Parado, Provincial Fire Marshal, kadagupan iti nasao a bilang ket 13 ditoy ket residential fire, pito ti non residential pakairamanan ti storage, assembly ken business occupancy.
Inbatadna nga adda ti 23 a non structural pakairamanan ti 18 a grass fire, uppat a forest fire, tallo a transportation fire no sadinno dua a truck ken maysa a tricycle ti nauram.
Inlawlawagna nga adda ti 32 nga accidental fire idinto nga adda ti walo a manarimaan pay laeng ti panangiwayatda ti imbestigasion.
Mainaig iti daytoy, naragsak nga inpakaammo ni F/Supt. Parado a bimmaba ti nairekord nga uram ita nga umuna a kuarter ti 2025 maidasig iti 80 nga uram iti kapada a panawen iti napalabas a tawen.
Kunana a basar kadagiti iwaywayatda nga imbestigasion a maysa kadagiti kangrunaan a rumrummuar a rason iti mapaspasamak nga uram ket ti electrical wirings ken ti nabaybay-an a lutlutoen.
Kabayatanna, inawagan ti Provincial Fire Marshal nga “irresponsible citizen” dagiti residente nga umun-una nga ag-FB Live iti maur-uram nga imbes nga insigida a tumawag iti hotline-da tapno insigida a makaresponde dagiti otoridad.
