LAOAG CITY – Naisayangkat ti taripnong dagiti amin a quarry operators, nagduduma a local a gobierno, baro a quarry coordinator ken ni Governor Cecilia Araneta-Marcos.
Segun iti gobernador, natratar iti taripnong dagiti baro nga ordinansa ti probinsia a nasken a maipaawat kadagiti operators.
Ti baro nga ordinansa ket ti amended version partikular ti section 54 ken 55.
Naipalaon iti section 191 iti Local Government Code a mabalin a maamendaran ti tax code iti tunggal lima a tawen iti saan a nangatngato ngem 10 a porsyento.
Karaman kadagiti napagsasaritaan iti taripnong ket ti kaadda ti nayun a masingir kadagiti quarry operators, partikular ti environmental fee.
