LAOAG CITY – Positibo ti agarup kagudua a Pilipino a sumayaat ti kalidad ti panagbiag iti sumaruno a 12 a bulan, maibasar iti non-commissioned Social Weather Stations (SWS) survey a naiyuswat manipud idi Setiembre 14 agingga 23.
Basar iti survey, adda ti 47 a porsiento kadagiti Pilipino ti mamati a sumayaat ti kalidad ti panagbiag idinto nga 40 a porsiento ti nangibaga nga awan ti pagbaliwanna.
Kabayatanna, 5 a porsiento laeng ti mamati a kumaro pay daytoy idinto a 8 a porsiento ti saan a simmungbat.
