LAOAG CITY – Umabot iti 48 a tattao dagiti natay kalpasan ti napasamak a desgrasya idiay Kenya.
Basar kadagiti reports, napasamak daytoy kalpasan a napukawan ti kontrol ti maysa a truck a nagkarga kadagiti shipping container bayat nga adda iti Londiani Junction, asideg iti ili ti Kericho.
Segun kenni Police Commander Geoffrey Mayek, malaksid kadagiti natay ket umabot iti 30 nga indibidual ti nagsagaba ti nakana a sugat ngem inbatad na a posible nga ad-ado pay ti bilang dagitoy.
Adda pay ti amak na a posible a dua wenno tallo pay nga indibidual ti naipit kadagiti nadesgrasya a behikulo.
Inbatad met ni Tom Mboya Odero, ti sabali ay a regional police commander, a ti behikulo ket agturong iti Kericho idi napukawan ti kontrol ken nadarusdos nakadagiti walo pay a behikulo ken sumagmamano a motorsiklo ke dagiti tattao nga adda ti igid ti kalsada.
Naamoan a ti driver ket ginandat na a liklikan ti bus nga adda iti kalsada a rumrumuar a naperdian.
Kabayatanna, nakipagladingit met ni Kenyan president William Ruto iti pamilya dagiti biktima kageddan ti panangadmitir na a napalaos ti kigtot na iti napasamak nangruna ket adda dagiti ubbing a nairaman.
Kabayatanna, binalakadan ni Ruto dagiti motorista nga agannad nangruna kadgaitoy a gundaway a makapaspasar da ti napigsa a tudo.
