LAOAG CITY – Addan ti 4,973 a negosio ditoy ciudad ti Laoag ti nakapag-renew ti business permit na.
Segun ken ni Ms. Antonette Bareng, mangidadaulo ti Business Permit and Liscensing Office, nga adda pay 355 a saan pay a nakabayad, lima ti dumalan pay laeng ti beribikasion, ken 60 ti nakaisaganan a maiendorsar bayat a 166 met dagiti saan pay a nakaala ti permit da ngem nakabayaddan.
Kunana a ti nadakamat a bilang ket karaman pay ditoy dagiti baro a pasdek negosio.
Innayonna a no laketdi makabayad dan ket insigida met a ma-isyuan dagitoy ti permit.
Maipalagip a nagnguddo ti panagirenew ti business permit idi napan a bulan, Pebrero 29 no sadinno a namnamaen ti nadakamat nga ahensya a magun-od da ti nasurok 6,000 a makapagreshistro ita a tawen.
