LAOAG CITY – Inbatad ni Mr. Jun Arvin Gudoy, Director IV iti Public Affairs Service iti Department of Education (DepEd) nga agkasapulan ti ahensya ti 5.6 a bilyon a pisos.
Daytoy ket para iti pannakatarimaan kadagiti pagadalan a nadadaelm pannasukat kadagiti modules ken dadduma pay a kasapulan dagiti estudyante ken mangisursuro kalpasan ti iduduprak ti nagsaruno a bagyo.
Segun kenni Gudoy, intono sumaruno a lawas ket maiyuswat ti budget deliberation iti Senado para iti pondo a mausar ti ahensya.
Inlawlawag na pay a posible nga iti sumasaruno nga aldaw ket maakawat da ti report nga adda dagiti napukaw a school record dagiti estudyante gapo iti intunda dagiti bagyo.
Kunana a maysa kadagiti plano ti DepEd ket masukatan dagiti nalayos a modules ken dadduma pay ita a tawen tapno saan a maitantan manen ti panagklase dagiti estudyante.
Mainaig iti daytoy, kuna ni Gudoy a kalpasan ti bagyo ket inikkan ni DepEd Sec. Leanor Briones ti bileg dagiti Regional Directors ti ahensya a mangsuspenso ti klase iti masakupan da a lugar.
Kunana a ti laeng pagsayaatan a nakita na ket awan ti face to face classes a rason a nailiklik dagiti estudyante ken mangisursuro iti peggad.
