LAOAG CITY – Nakairekord ti 5 a kaso Covid-19 delta variant ken innem a kaso ti covid-19 iti Barangay 11, Sta. Filomena iti ili ti Bacarra.
Daytoy ti kinumpirmaran ni Barangay Chairman Arnold Acoba iti nadakamat a barangay.
Inbaga na a karaman kadagiti nagpositibo ti covid-19 ket maysa a barangay kagawad da.
Inpakaammo na a ti nagpositibo a kagawad na ket naipan iti ospital iti ciudad ti Batac idi Agosto 17 ita a tawen ken agpapan ita ket saan pay a nakarwar gapu ta isu ti pammilin ti doktor na.
Innayon na a karaman a naka-isolate iti agdama isut gapuna a dagiti dadduma a kagawad na a nagnegatibo ti swabtest na ket isuda pay laeng ti makaammo nga agmonitor iti barangay da.
Inadmitir ti Kapitan a narigat ti ma-isolate isut gapuna nga immapela kadagiti kabarangayan na a masapol a sumurot kadagiti amin nga health safety protocols kas ti kanayun a panagusar ti facemask, faceshield ken obserbaren a kanayun ti socil distancing, ken saan da a rumuar iti uneg ti balay no saan a napateg ti papanan da.
